[ Unicode ]
ဒီ ကိုဗစ်ကာလမှာ ကျွန်မတို့လူကြီးတွေရော၊ ကလေးတွေရော တီဗွီ၊ ဖုန်း၊ ကွန်ပြူတာပိုသုံးဖြစ်လာတယ်၊ ရုပ်ရှင် ဇာတ်ကားတွေပိုကြည့်လာကြတယ်။ အဲဒီ့တော့ ရုပ်ရှင် ဇာတ်ကားရွေးချယ်တဲ့အခါ သတိထားရမယ့်အရာ၊ သိထားရမယ့်အရာလေးတွေ မျှဝေချင်ပါတယ်။
ရုပ်ရှင်ဇာတ်ကား အဆင့်သတ်မှတ်ချက်များ
မြန်မာနိုင်ငံမှာတော့ ရုပ်ရှင်ဇာတ်ကား အဆင့်သတ်မှတ်ချက် သိပ်မလုပ်ကြပါဘူး။ ဒါပေမယ့် နိုင်ငံခြားကားတွေမှာတော့ G, PG, PG-13, R စသည်ဖြင့် ကလေးတွေ ကြည့်သင့် မကြည့်သင့် ခွဲခြားနိုင်အောင် သတ်မှတ်ထားပါတယ်။
G = ကလေးတွေကို ဒီတိုင်း လွှတ်ထားလို့ရတယ်။ မိဘရဲ့ ကြီးကြပ်စောင့်ကြပ်မှု မလိုဘဲ ကြည့်ခွင့်ပေးနိုင်တယ်ဆိုတဲ့ သဘောပါ။
PG = PGကတော့ “parental guidance” မိဘရဲ့ ကြီးကြပ်မှု၊ စောင့်ကြည့်လမ်းညွှန်မှု လိုအပ်တယ်ဆိုတဲ့သဘောပါ။ ကလေးငယ်တွေအတွက် မသင့်လျော်တဲ့ (ကြောက်လန့်စရာဖြစ်ဖြစ်) အရာလေးတွေ ပါနိုင်တယ်လို့ ဆိုလိုချင်တာပါ။
PG-13 = မိဘရဲ့စောင့်ကြည့် ကြီးကြပ်မှုအထူး လိုအပ်တဲ့ ရုပ်ရှင် ဇာတ်ကားဖြစ်ပါတယ်။ ဆယ်နှစ်အောက် ကလေးတွေ၊ ၁၃ နှစ်အောက်ကလေးတွေအတွက် မသင့်လျော်တာတွေ ပါဝင်နိုင်တယ်လို့ သတိပေးထားတာပါ။
R = Restricted ဆိုတဲ့ တားမြစ်ထားသည့် အဓိပ္ပါယ်ပါ။ လူကြီးတွေ၊ ၁၈ နှစ်အထက်တွေနဲ့သာ သင့်လျော်တဲ့ ရိုက်ကွင်းမျိုး ပါဝင်နိုင်တယ်လို့ ကြိုတင်သတိပေးတာပါ။
နိုင်ငံခြားဇာတ်ကားတွေမှာ 18+, 13+ စသည်ဖြင့် အသက်အရွယ်နဲ့လည်း သတ်မှတ် အသိပေးကြပါတယ်။ အချို့တွေဆိုရင် အသက်အရွယ် သတ်မှတ်ချက်ရဲ့နောက်မှာ ဆဲရေးတိုင်းထွာမှု ပါလို့လား၊ လိင်ပိုင်းဆိုင်ရာ ရိုက်ချက်တွေ ပါလို့လား၊ သတ်ဖြတ်ကြတဲ့ အခန်းတွေပါလို့လား ဆိုတဲ့ အကြောင်းရင်းကိုပါ ထည့်ပေးလေ့ရှိပါတယ်။
ကျွန်မကတော့ ရုပ်ရှင်ဆိုင်ရာ ပညာရှင်မဟုတ်ပါဘူး။ ဒါပေမယ့် ကျွန်မတို့ရဲ့ နုနယ်တဲ့ကလေးတွေအတွက် ဇာတ်ကားတွေ ရုပ်ရှင်တွေ ရွေးတဲ့အခါ ကလေးတွေရဲ့ စိတ်ပိုင်းဆိုင်ရာ၊ တန်ဖိုးထားမှုဆိုင်ရာ၊ အပြုအမူဆိုင်ရာကို ထိခိုက်စေမှာမျိုး မရွေးစေချင်ပါဘူး။ ရုပ်ရှင်၊ ဇာတ်ကားဆိုတာ ကလေးတွေရဲ့ အမြင်အာရုံ၊ အကြားအာရုံတွေကို အများဆုံး အသုံးပြုစေတာဖြစ်ပြီး ကလေးတွေကို စွဲလမ်းမှု၊ သင်ယူမှုတွေ ဖြစ်စေပါတယ်။ ကောင်းတာတွေလည်း သင်ယူနိုင်သလို၊ မကောင်းတာတွေလည်း သင်ယူဖို့ လွယ်ကူပါတယ်။
ဒါကြောင့် ဇာတ်ကားထဲမှာ—–
- ရက်စက်ကြမ်းကြုတ်တဲ့ အရာတွေပါလား။ သတ်ဖြတ်တာတွေပါလား။
- လိင်ဆက်ဆံတာတွေ၊ ကိုယ်လုံးတီးအခန်းတွေပါလား။
- ဆဲဆိုတာတွေ၊ ကြမ်းတမ်းတဲ့ စကားလုံးတွေ သုံးတာပါလား။
- တရားမဝင်တာတွေ၊ ဆေးသုံးတာတွေ ပါလား။ စတာတွေကို ကြည့်ပြီး၊ ပါတယ်ဆိုရင် ကလေးတွေအတွက် မရွေးချယ်စေချင်ပါဘူး။
မြန်မာဇာတ်ကားတော်တော်များများမှာ ဆဲဆိုတာတွေ၊ အောက်ပိုင်း ဟာသတွေ (လိင်ပိုင်းနှောတဲ့ဟာသ)တွေကို တွေ့ရပါတယ်။
ကျွန်မ ပုဂ္ဂလိက အမြင်အရဆိုရင်… - အခြောက်ပုံစံလုပ်ပြီးဟာသလုပ်တာတွေ၊
- အသားရောင်နဲ့ ခန္ဓာကိုယ် အဝအပိန်အပေါ် မူတည်ပြီး နောက်ပြောင်တာတွေ၊
- ကိုယ်ခန္ဓာချို့ယွင်းမှုနဲ့ စိတ်ပိုင်း ချို့ယွင်းခြင်းတွေအပေါ် ပြက်ရယ်ပြုတာတွေ၊
- ပါးစပ်အရသာခံပြီး ပြောကြတဲ့ လိင်ပိုင်းနှီးနွယ်ဟာသတွေကို သဘောမကျပါဘူး။ အဲဒီ့ ဟာသတွေ၊ စနောက်မှုတွေဟာ သာမာန်ဖြစ်ပြီး၊ လုပ်ချင်ရင် လူတိုင်းကို လုပ်လို့ရတယ်ဆိုတဲ့ သဘောတရားတွေကို သင်ယူသွားမှာ အရမ်းကြောက်တယ်။ ပါးစပ်စည်းမစောင့်သော လူ့မယဉ်ကျေးလေးတွေ ဖြစ်မှာတော့ စိုးရိမ်ပါတယ်။ ဒါကြောင့် ကိုယ်ကလေးကို ကြည့်စေတဲ့ ဇာတ်ကားတွေကို သေချာ စိစစ်စေလိုပါတယ်။ ကလေးတွေနဲ့ လုံးဝ ကိုက်ညီမယ့် ဇာတ်ကားမျိုး ရှာတဲ့အခါ အခက်တွေ့နိုင်ပါတယ်။ ဒါပေမယ့် ကျွန်မတို့ ကလေးတွေအတွက် ပိုအားစိုက်ပြီး အတုယူမမှားစေမယ့် ရုပ်ရှင်မျိုးကို ရှာဖွေ ပြကြဖို့ တိုက်တွန်းလိုက်ပါရစေ။
မေတ္တာဖြင့်….
Sayarma-ဆရာမ
[ Zawgyi ]
ဒီ ကိုဗစ္ကာလမွာ ကၽြန္မတို႔လူႀကီးေတြေရာ၊ ကေလးေတြေရာ တီဗြီ၊ ဖုန္း၊ ကြန္ျပဴတာပိုသုံးျဖစ္လာတယ္၊ ႐ုပ္ရွင္ ဇာတ္ကားေတြပိုၾကည့္လာၾကတယ္။ အဲဒီ့ေတာ့ ႐ုပ္ရွင္ ဇာတ္ကားေရြးခ်ယ္တဲ့အခါ သတိထားရမယ့္အရာ၊ သိထားရမယ့္အရာေလးေတြ မၽွေဝခ်င္ပါတယ္။
႐ုပ္ရွင္ဇာတ္ကား အဆင့္သတ္မွတ္ခ်က္မ်ား
ျမန္မာနိုင္ငံမွာေတာ့ ႐ုပ္ရွင္ဇာတ္ကား အဆင့္သတ္မွတ္ခ်က္ သိပ္မလုပ္ၾကပါဘူး။ ဒါေပမယ့္ နိုင္ငံျခားကားေတြမွာေတာ့ G, PG, PG-13, R စသည္ျဖင့္ ကေလးေတြ ၾကည့္သင့္ မၾကည့္သင့္ ခြဲျခားနိုင္ေအာင္ သတ္မွတ္ထားပါတယ္။
G = ကေလးေတြကို ဒီတိုင္း လႊတ္ထားလို႔ရတယ္။ မိဘရဲ့ ႀကီးၾကပ္ေစာင့္ၾကပ္မႈ မလိုဘဲ ၾကည့္ခြင့္ေပးနိုင္တယ္ဆိုတဲ့ သေဘာပါ။
PG = PGကေတာ့ “parental guidance” မိဘရဲ့ ႀကီးၾကပ္မႈ၊ ေစာင့္ၾကည့္လမ္းညႊန္မႈ လိုအပ္တယ္ဆိုတဲ့သေဘာပါ။ ကေလးငယ္ေတြအတြက္ မသင့္ေလ်ာ္တဲ့ (ေၾကာက္လန႔္စရာျဖစ္ျဖစ္) အရာေလးေတြ ပါနိုင္တယ္လို႔ ဆိုလိုခ်င္တာပါ။
PG-13 = မိဘရဲ့ေစာင့္ၾကည့္ ႀကီးၾကပ္မႈအထူး လိုအပ္တဲ့ ႐ုပ္ရွင္ ဇာတ္ကားျဖစ္ပါတယ္။ ဆယ္ႏွစ္ေအာက္ ကေလးေတြ၊ ၁၃ ႏွစ္ေအာက္ကေလးေတြအတြက္ မသင့္ေလ်ာ္တာေတြ ပါဝင္နိုင္တယ္လို႔ သတိေပးထားတာပါ။
R = Restricted ဆိုတဲ့ တားျမစ္ထားသည့္ အဓိပၸါယ္ပါ။ လူႀကီးေတြ၊ ၁၈ ႏွစ္အထက္ေတြနဲ႔သာ သင့္ေလ်ာ္တဲ့ ရိုက္ကြင္းမ်ိဳး ပါဝင္နိုင္တယ္လို႔ ႀကိဳတင္သတိေပးတာပါ။
နိုင္ငံျခားဇာတ္ကားေတြမွာ 18+, 13+ စသည္ျဖင့္ အသက္အရြယ္နဲ႔လည္း သတ္မွတ္ အသိေပးၾကပါတယ္။ အခ်ိဳ႕ေတြဆိုရင္ အသက္အရြယ္ သတ္မွတ္ခ်က္ရဲ့ေနာက္မွာ ဆဲေရးတိုင္းထြာမႈ ပါလို႔လား၊ လိင္ပိုင္းဆိုင္ရာ ရိုက္ခ်က္ေတြ ပါလို႔လား၊ သတ္ျဖတ္ၾကတဲ့ အခန္းေတြပါလို႔လား ဆိုတဲ့ အေၾကာင္းရင္းကိုပါ ထည့္ေပးေလ့ရွိပါတယ္။
ကၽြန္မကေတာ့ ႐ုပ္ရွင္ဆိုင္ရာ ပညာရွင္မဟုတ္ပါဘူး။ ဒါေပမယ့္ ကၽြန္မတို႔ရဲ့ ႏုနယ္တဲ့ကေလးေတြအတြက္ ဇာတ္ကားေတြ ႐ုပ္ရွင္ေတြ ေရြးတဲ့အခါ ကေလးေတြရဲ့ စိတ္ပိုင္းဆိုင္ရာ၊ တန္ဖိုးထားမႈဆိုင္ရာ၊ အျပဳအမူဆိုင္ရာကို ထိခိုက္ေစမွာမ်ိဳး မေရြးေစခ်င္ပါဘူး။ ႐ုပ္ရွင္၊ ဇာတ္ကားဆိုတာ ကေလးေတြရဲ့ အျမင္အာ႐ုံ၊ အၾကားအာ႐ုံေတြကို အမ်ားဆုံး အသုံးျပဳေစတာျဖစ္ၿပီး ကေလးေတြကို စြဲလမ္းမႈ၊ သင္ယူမႈေတြ ျဖစ္ေစပါတယ္။ ေကာင္းတာေတြလည္း သင္ယူနိုင္သလို၊ မေကာင္းတာေတြလည္း သင္ယူဖို႔ လြယ္ကူပါတယ္။
ဒါေၾကာင့္ ဇာတ္ကားထဲမွာ—–
- ရက္စက္ၾကမ္းၾကဳတ္တဲ့ အရာေတြပါလား။ သတ္ျဖတ္တာေတြပါလား။
- လိင္ဆက္ဆံတာေတြ၊ ကိုယ္လုံးတီးအခန္းေတြပါလား။
- ဆဲဆိုတာေတြ၊ ၾကမ္းတမ္းတဲ့ စကားလုံးေတြ သုံးတာပါလား။
- တရားမဝင္တာေတြ၊ ေဆးသုံးတာေတြ ပါလား။ စတာေတြကို ၾကည့္ၿပီး၊ ပါတယ္ဆိုရင္ ကေလးေတြအတြက္ မေရြးခ်ယ္ေစခ်င္ပါဘူး။
ျမန္မာဇာတ္ကားေတာ္ေတာ္မ်ားမ်ားမွာ ဆဲဆိုတာေတြ၊ ေအာက္ပိုင္း ဟာသေတြ (လိင္ပိုင္းေႏွာတဲ့ဟာသ)ေတြကို ေတြ႕ရပါတယ္။
ကၽြန္မ ပုဂၢလိက အျမင္အရဆိုရင္… - အေျခာက္ပုံစံလုပ္ၿပီးဟာသလုပ္တာေတြ၊
- အသားေရာင္နဲ႔ ခႏၶာကိုယ္ အဝအပိန္အေပၚ မူတည္ၿပီး ေနာက္ေျပာင္တာေတြ၊
- ကိုယ္ခႏၶာခ်ိဳ႕ယြင္းမႈနဲ႔ စိတ္ပိုင္း ခ်ိဳ႕ယြင္းျခင္းေတြအေပၚ ျပက္ရယ္ျပဳတာေတြ၊
- ပါးစပ္အရသာခံၿပီး ေျပာၾကတဲ့ လိင္ပိုင္းႏွီးႏြယ္ဟာသေတြကို သေဘာမက်ပါဘူး။ အဲဒီ့ ဟာသေတြ၊ စေနာက္မႈေတြဟာ သာမာန္ျဖစ္ၿပီး၊ လုပ္ခ်င္ရင္ လူတိုင္းကို လုပ္လို႔ရတယ္ဆိုတဲ့ သေဘာတရားေတြကို သင္ယူသြားမွာ အရမ္းေၾကာက္တယ္။ ပါးစပ္စည္းမေစာင့္ေသာ လူ႔မယဥ္ေက်းေလးေတြ ျဖစ္မွာေတာ့ စိုးရိမ္ပါတယ္။ ဒါေၾကာင့္ ကိုယ္ကေလးကို ၾကည့္ေစတဲ့ ဇာတ္ကားေတြကို ေသခ်ာ စိစစ္ေစလိုပါတယ္။ ကေလးေတြနဲ႔ လုံးဝ ကိုက္ညီမယ့္ ဇာတ္ကားမ်ိဳး ရွာတဲ့အခါ အခက္ေတြ႕နိုင္ပါတယ္။ ဒါေပမယ့္ ကၽြန္မတို႔ ကေလးေတြအတြက္ ပိုအားစိုက္ၿပီး အတုယူမမွားေစမယ့္ ႐ုပ္ရွင္မ်ိဳးကို ရွာေဖြ ျပၾကဖို႔ တိုက္တြန္းလိုက္ပါရေစ။
ေမတၱာျဖင့္….
Sayarma-ဆရာမ