[ Unicode ]
အနိုင်ရတယ်ဆိုတာကို ဘယ်လို ဘာသာပြန်ကြပါသလဲ။
ကျွန်မကတော့ ဂုဏ်သိက္ခာရှိရှိ အများရှေ့မှာ ဂုဏ်ယူနိုင်သလို၊ ကိုယ့်ကိုယ်ကိုယ် ပြန်လေးစားနိုင်တဲ့ အခြေအနေမျိုးကို အောင်မြင်တယ်၊ အနိုင်ရရှိတယ်လို့ သတ်မှတ်ချင်ပါတယ်။ အများရှေ့မှာ မျက်နှာပြောင်တိုက်နိုင်ပေမယ့် ကိုယ့်ကိုကိုယ် မှန်ထဲပြန်ကြည့်ရင်၊ မလေးစားနိုင်တဲ့ အခြေအနေမှာတော့ နိုင်ချင်ယောင်ဆောင်ရင်း ရှုံးနိမ့်တာပါပဲ။
အနိုင်ယူဖို့ ကြိုးစားတဲ့အခါ ညစ်ပတ်တဲ့ နည်းလမ်းတွေ၊ အကြမ်းဖက်နည်းတွေ၊ တစ်ဖက်သက်အနိုင်ယူနည်းတွေ အပြင် အကြမ်း မဖက်၊ အညံ့မခံပဲ အနိုင်ယူနိုင်တဲ့ နည်းတွေလည်း ရှိပါတယ်။ ဒီနေ့ ကျွန်မ မျှဝေချင်တာကတော့ ကျွန်မတို့တွေ လေးစား အတုယူကြတဲ့ ဂန္ဒီက အန္ဒိယမှာ အသုံးပြုခဲ့တဲ့ အကြမ်းမဖက်သော နှလုံးရည်တိုက်ပွဲ နည်းလမ်းပါ။
၁) Civil Disobedience Movement – အန္ဒိယမှာ ဗြီတိသျှတွေကို တိုက်ထုတ်ဖို့၊ သူတို့ရဲ့ အစိုးရ ယန္တရားကို အဓိက မောင်းနှင်နေတဲ့ ပြည်သူ့ဝန်ထမ်းတွေကို အာဏာဖီဆန်ကြဖို့ လုပ်တာပါ။ အစိုးရက အာဏာနဲ့အတူ နာခံမှုကို သိပ်ကြိုက်တာမို့ အဲဒီ့နာခံမှုရဲ့ ဆန့်ကျင်ဖက်ဖြစ်တဲ့ အာဏာဖီဆန်မှုကို အဓိက ထားလုပ်ပါတယ်။ သူသွားတဲ့ မြို့တိုင်းမှာ ခေါင်းဆောင်တွေ၊ လူထုတွေနဲ့ တွေ့တယ်၊ သေချာ ရှင်းပြပြီး အာဏာဖီဆန်ဖို့၊ အလုပ်ထွက်ဖို့ အားပေးပါတယ်။ အခုဆိုရင် ကျွန်မတို့နိုင်ငံမှာလည်း ပြည်သူ့ဝန်ထမ်း တော်တော်များများ စတင်ပြီး ဒီလှုပ်ရှားမှုကို လုပ်လာတာ တွေ့ရပါတယ်။ ကျေးဇူးတင်ပါတယ်။
၂) No-Buy Challenge – ပြည်ပက တင်သွင်းတဲ့ ကုန်ပစ္စည်းတွေမဝယ်ဖို့၊ အထူးသဖြင့် ဗြိတိသျှက တင်သွင်းတဲ့ အဝတ်အထည်တွေကို အသုံးမပြုဖို့ တွန်းအားပေးပါတယ်။ အဲ့လို လုပ်တဲ့အခါ သူတို့နဲ့ဆက်စပ်တဲ့ အလုပ်တွေ ပြုတ်ပြီး သူတို့ရဲ့ ယန္တယား ရပ်တန့်ဖို့ လွယ်လာမယ်။ ပြည်ပက သွင်းတဲ့ အဝတ်အထည်အစား ကိုယ်တိုင်ယက်လုပ်တဲ့ အဝတ်အစားတွေကို အသုံးပြုတာပါ။ ဒီဗွီဒီယိုထဲမှာလည်း ပါပါတယ်။ ဂန္ဒီက သူရောက်လေရာမှာ အန္ဒိယ ဒေသထွက် ခါးဒီး လက်ယက်ထည်ကိုပဲ ဝတ်တဲ့ ရွာဘယ်နှစ်ရွာ ရှိပြီလဲဆိုတာ အမြဲ စူးစမ်းလေ့ရှိပါတယ်။ ရောက်လေရာမှာ သူကိုယ်တိုင်လည်း တစ်နေ့ကို (၂)နာရီ ဗိုင်းငင်ပါတယ်။ တစ်နိုင်ငံလုံးသာ တစ်ချိန်ထဲမှာ ဗိုင်းငင်ကြရင် ဗိုင်းငင်သံတွေက အောင်မြင်ရေးတေးသံတွေလိုပဲဖြစ်လာမယ်တဲ့။ တပ်တွေ၊ အကြမ်းဖက်သူတွေ၊ သာကူးတွေရဲ့ ဆက်စပ်စီးပွါးရေးတွေကို အသုံးမပြုဘဲ နေဖို့ ကျွန်မတို့ရော အဆင်သင့်ပဲလား။
၃) Peaceful March – ငြိမ်းချမ်းစွာ ချီတက် ဆန္ဒဖေါ်ထုတ်ခြင်းပါ။ အသက် (၆၀) အရွယ် ဂန္ဒီ က ဆားလှုပ်ရှားမှုအတွက် မချီတက်ခင် သေချာ စဉ်းစား ပြင်ဆင်ပါတယ်။ သူနဲ့အတူ စတင် ချီတက်သူ ၇၈ ယောက် ရှိပေမယ့် နောက်ပိုင်းမှာ လူထောင်ပေါင်းများစွာ လိုက်ပါလာခဲ့တယ်။ သူက မြို့တစ်မြို့ရောက်တိုင်း မိန့်ခွန်းပြောတယ်။ မိန့်ခွန်းထဲမှာ သူက အင်္ဂလိပ်တွေကို မမုန်းဖို့နဲ့ အန္ဒိယကို အင်္ဂလိပ်တွေက ယူတာမဟုတ်ဘဲ အန္ဒိယလူမျိုးတွေ ပေးလိုက်တာလို့ပြောပါတယ်။ တစ်ဖက်ကို မမုန်းဖို့နဲ့ ကိုယ့်ဖက်က ဇွဲရှိရှိနဲ့ အကြမ်းမဖက်၊ နည်းပရိယာယ် ကြွယ်ဝစွာ အနိုင်ယူဖို့ကို အဓိကထားပါတယ်။
ကျွန်မက ဒီဘာသာရပ်မှာ မကျွမ်းကျင်ပါဘူး။ ဒါပေမယ့် မတရားမှုကို ပြုလုပ်ခြင်းမှာ ပူးပေါင်းခြင်းမရှိ၊ မတရားမှု ပြုလုပ်ခြင်းကို အကြမ်းမဖက်ပေမယ့် ငြိမ်မခံဘဲ တုန့်ပြန်ခြင်းဟာ အောင်မြင်နိုင်ပါတယ်ဆိုတာကို မဟတ္တမ ဂန္ဒီ က ပြသွားခဲ့ပါတယ်။ ကျွန်မတို့လည်း ငြိမ်းချမ်းစွာ အနိုင်ယူကြရအောင်။
ဒီ A force more powerful ဆိုတဲ့ Documentry ကို အင်္ဂလိပ်လိုလည်း ကြည့်နိုင်ပါတယ်။ တောင်အာဖရိကနိုင်ငံ၊ အမေရိကန်နိုင်ငံတွေမှာ အကြမ်းမဖက်အနိုင်ယူခဲ့တဲ့ နည်းလမ်းတွေကိုလည်း ဒီပေးထားတဲ့ လင့်ခ်တွေကနေ သင်ယူနိုင်ပါတယ်။
A force more powerful (English) Part 1 – https://www.youtube.com/watch?v=hpBoHb59iVY
A force more powerful (English ) Part 2 – https://www.youtube.com/watch?v=mD5xKALhnxg
A force more powerful (Burmese) – https://www.youtube.com/watch?v=XBY_AiL35tA
တစ်နေ့မှာ ကျွန်မတို့ သားသမီးတွေ၊ ကျွန်မတို့ တပည့်တွေကို မတရားမှုလုပ်ခြင်းကို ငါတို့ မပူးပေါင်းခဲ့သလို၊ မတရားမှုတွေကို ငြိမ်မခံဘဲ ငြိမ်းချမ်းစွာ အနိုင်ယူခဲ့တယ်ဆိုတာကို ဂုဏ်ယူစွာ ပြန်ပြောနိုင်အောင် ကြိုးစားကြမယ်။
မေတ္တာဖြင့်…
Sayarma-ဆရာမ
[ Zawgyi ]
အနိုင္ရတယ္ဆိုတာကို ဘယ္လို ဘာသာျပန္ၾကပါသလဲ။
ကၽြန္မကေတာ့ ဂုဏ္သိကၡာရွိရွိ အမ်ားေရွ႕မွာ ဂုဏ္ယူနိုင္သလို၊ ကိုယ့္ကိုယ္ကိုယ္ ျပန္ေလးစားနိုင္တဲ့ အေျခအေနမ်ိဳးကို ေအာင္ျမင္တယ္၊ အနိုင္ရရွိတယ္လို႔ သတ္မွတ္ခ်င္ပါတယ္။ အမ်ားေရွ႕မွာ မ်က္ႏွာေျပာင္တိုက္နိုင္ေပမယ့္ ကိုယ့္ကိုကိုယ္ မွန္ထဲျပန္ၾကည့္ရင္၊ မေလးစားနိုင္တဲ့ အေျခအေနမွာေတာ့ နိုင္ခ်င္ေယာင္ေဆာင္ရင္း ရႈံးနိမ့္တာပါပဲ။
အနိုင္ယူဖို႔ ႀကိဳးစားတဲ့အခါ ညစ္ပတ္တဲ့ နည္းလမ္းေတြ၊ အၾကမ္းဖက္နည္းေတြ၊ တစ္ဖက္သက္အနိုင္ယူနည္းေတြ အျပင္ အၾကမ္း မဖက္၊ အညံ့မခံပဲ အနိုင္ယူနိုင္တဲ့ နည္းေတြလည္း ရွိပါတယ္။ ဒီေန႔ ကၽြန္မ မၽွေဝခ်င္တာကေတာ့ ကၽြန္မတို႔ေတြ ေလးစား အတုယူၾကတဲ့ ဂႏၵီက အႏၵိယမွာ အသုံးျပဳခဲ့တဲ့ အၾကမ္းမဖက္ေသာ ႏွလုံးရည္တိုက္ပြဲ နည္းလမ္းပါ။
၁) Civil Disobedience Movement – အႏၵိယမွာ ၿဗီတိသၽွေတြကို တိုက္ထုတ္ဖို႔၊ သူတို႔ရဲ့ အစိုးရ ယႏၲရားကို အဓိက ေမာင္းႏွင္ေနတဲ့ ျပည္သူ႔ဝန္ထမ္းေတြကို အာဏာဖီဆန္ၾကဖို႔ လုပ္တာပါ။ အစိုးရက အာဏာနဲ႔အတူ နာခံမႈကို သိပ္ႀကိဳက္တာမို႔ အဲဒီ့နာခံမႈရဲ့ ဆန႔္က်င္ဖက္ျဖစ္တဲ့ အာဏာဖီဆန္မႈကို အဓိက ထားလုပ္ပါတယ္။ သူသြားတဲ့ ၿမိဳ႕တိုင္းမွာ ေခါင္းေဆာင္ေတြ၊ လူထုေတြနဲ႔ ေတြ႕တယ္၊ ေသခ်ာ ရွင္းျပၿပီး အာဏာဖီဆန္ဖို႔၊ အလုပ္ထြက္ဖို႔ အားေပးပါတယ္။ အခုဆိုရင္ ကၽြန္မတို႔နိုင္ငံမွာလည္း ျပည္သူ႔ဝန္ထမ္း ေတာ္ေတာ္မ်ားမ်ား စတင္ၿပီး ဒီလႈပ္ရွားမႈကို လုပ္လာတာ ေတြ႕ရပါတယ္။ ေက်းဇူးတင္ပါတယ္။
၂) No-Buy Challenge – ျပည္ပက တင္သြင္းတဲ့ ကုန္ပစၥည္းေတြမဝယ္ဖို႔၊ အထူးသျဖင့္ ၿဗိတိသၽွက တင္သြင္းတဲ့ အဝတ္အထည္ေတြကို အသုံးမျပဳဖို႔ တြန္းအားေပးပါတယ္။ အဲ့လို လုပ္တဲ့အခါ သူတို႔နဲ႔ဆက္စပ္တဲ့ အလုပ္ေတြ ျပဳတ္ၿပီး သူတို႔ရဲ့ ယႏၲယား ရပ္တန႔္ဖို႔ လြယ္လာမယ္။ ျပည္ပက သြင္းတဲ့ အဝတ္အထည္အစား ကိုယ္တိုင္ယက္လုပ္တဲ့ အဝတ္အစားေတြကို အသုံးျပဳတာပါ။ ဒီဗြီဒီယိုထဲမွာလည္း ပါပါတယ္။ ဂႏၵီက သူေရာက္ေလရာမွာ အႏၵိယ ေဒသထြက္ ခါးဒီး လက္ယက္ထည္ကိုပဲ ဝတ္တဲ့ ရြာဘယ္ႏွစ္ရြာ ရွိၿပီလဲဆိုတာ အျမဲ စူးစမ္းေလ့ရွိပါတယ္။ ေရာက္ေလရာမွာ သူကိုယ္တိုင္လည္း တစ္ေန႔ကို (၂)နာရီ ဗိုင္းငင္ပါတယ္။ တစ္နိုင္ငံလုံးသာ တစ္ခ်ိန္ထဲမွာ ဗိုင္းငင္ၾကရင္ ဗိုင္းငင္သံေတြက ေအာင္ျမင္ေရးေတးသံေတြလိုပဲျဖစ္လာမယ္တဲ့။ တပ္ေတြ၊ အၾကမ္းဖက္သူေတြ၊ သာကူးေတြရဲ့ ဆက္စပ္စီးပြါးေရးေတြကို အသုံးမျပဳဘဲ ေနဖို႔ ကၽြန္မတို႔ေရာ အဆင္သင့္ပဲလား။
၃) Peaceful March – ၿငိမ္းခ်မ္းစြာ ခ်ီတက္ ဆႏၵေဖၚထုတ္ျခင္းပါ။ အသက္ (၆၀) အရြယ္ ဂႏၵီ က ဆားလႈပ္ရွားမႈအတြက္ မခ်ီတက္ခင္ ေသခ်ာ စဥ္းစား ျပင္ဆင္ပါတယ္။ သူနဲ႔အတူ စတင္ ခ်ီတက္သူ ၇၈ ေယာက္ ရွိေပမယ့္ ေနာက္ပိုင္းမွာ လူေထာင္ေပါင္းမ်ားစြာ လိုက္ပါလာခဲ့တယ္။ သူက ၿမိဳ႕တစ္ၿမိဳ႕ေရာက္တိုင္း မိန႔္ခြန္းေျပာတယ္။ မိန႔္ခြန္းထဲမွာ သူက အဂၤလိပ္ေတြကို မမုန္းဖို႔နဲ႔ အႏၵိယကို အဂၤလိပ္ေတြက ယူတာမဟုတ္ဘဲ အႏၵိယလူမ်ိဳးေတြ ေပးလိုက္တာလို႔ေျပာပါတယ္။ တစ္ဖက္ကို မမုန္းဖို႔နဲ႔ ကိုယ့္ဖက္က ဇြဲရွိရွိနဲ႔ အၾကမ္းမဖက္၊ နည္းပရိယာယ္ ႂကြယ္ဝစြာ အနိုင္ယူဖို႔ကို အဓိကထားပါတယ္။
ကၽြန္မက ဒီဘာသာရပ္မွာ မကၽြမ္းက်င္ပါဘူး။ ဒါေပမယ့္ မတရားမႈကို ျပဳလုပ္ျခင္းမွာ ပူးေပါင္းျခင္းမရွိ၊ မတရားမႈ ျပဳလုပ္ျခင္းကို အၾကမ္းမဖက္ေပမယ့္ ၿငိမ္မခံဘဲ တုန႔္ျပန္ျခင္းဟာ ေအာင္ျမင္နိုင္ပါတယ္ဆိုတာကို မဟတၱမ ဂႏၵီ က ျပသြားခဲ့ပါတယ္။ ကၽြန္မတို႔လည္း ၿငိမ္းခ်မ္းစြာ အနိုင္ယူၾကရေအာင္။
ဒီ A force more powerful ဆိုတဲ့ Documentry ကို အဂၤလိပ္လိုလည္း ၾကည့္နိုင္ပါတယ္။ ေတာင္အာဖရိကနိုင္ငံ၊ အေမရိကန္နိုင္ငံေတြမွာ အၾကမ္းမဖက္အနိုင္ယူခဲ့တဲ့ နည္းလမ္းေတြကိုလည္း ဒီေပးထားတဲ့ လင့္ခ္ေတြကေန သင္ယူနိုင္ပါတယ္။
A force more powerful (English) Part 1 – https://www.youtube.com/watch?v=hpBoHb59iVY
A force more powerful (English ) Part 2 – https://www.youtube.com/watch?v=mD5xKALhnxg
A force more powerful (Burmese) – https://www.youtube.com/watch?v=XBY_AiL35tA
တစ္ေန႔မွာ ကၽြန္မတို႔ သားသမီးေတြ၊ ကၽြန္မတို႔ တပည့္ေတြကို မတရားမႈလုပ္ျခင္းကို ငါတို႔ မပူးေပါင္းခဲ့သလို၊ မတရားမႈေတြကို ၿငိမ္မခံဘဲ ၿငိမ္းခ်မ္းစြာ အနိုင္ယူခဲ့တယ္ဆိုတာကို ဂုဏ္ယူစြာ ျပန္ေျပာနိုင္ေအာင္ ႀကိဳးစားၾကမယ္။
ေမတၱာျဖင့္…
Sayarma-ဆရာမ