[ Unicode ]
ကျွန်မတို့ဘဝမှာ တစ်နေ့နဲ့ တစ်နေ့ တွေ့ကြုံရှင်သန်ရပုံတွေက မတူညီပါဘူး။ အဲဒီ့လိုပဲ တစ်ယောက်နဲ့တစ်ယောက် မိဘ၊ အလုပ်ကိုင်၊ ကြီးပြင်းပုံနဲ့ နေထိုင်ရှင်သန်ရပုံတွေလည်း ကွဲပြားပြန်ပါတယ်။ မိသားစု တစ်ခုတည်းဆိုရင်တောင် တစ်ယောက်နဲ့တစ်ယောက် မတူညီတာတွေ အများကြီးရှိပါတယ်။ ဒါပေမယ့် အမြဲတမ်းလိုလိုပဲ မတူညီသူတွေကို ညှိပြီး နှိုင်းယှဉ်ပြောကြပြန်တာလည်း ကျွန်မတို့တွေ ပါပဲ။
ကျွန်မငယ်ငယ်က ဆုံးမခံခဲ့ရတာတွေထဲမှာ သူများတွေနဲ့ နှိုင်းယှဉ်ပြီး ဟိုဟာလုပ်သင့်တယ်၊ ဒီဟာ လုပ်သင့်တယ်လို့ပြောတာကို အခံစားရဆုံးပါပဲ။ လူကြီးမိဘတွေကတော့ တစ်ခုခုနဲ့ တစ်ယောက်ယောက်နဲ့ နှိုင်းယှဉ်လိုက်တဲ့အခါ မခံချင်စိတ်ဖြစ်ပြီး ကြိုးစားလာမယ်လို့ ယုံကြည်ကြတယ်။ ကလေးတွေကို စိတ်ဒဏ်ရာ အပေးဆုံး ယုံကြည်မှုတစ်ခုပါ။
ကျွန်မမဟုတ်သော ကျွန်မသူငယ်ချင်းတွေအတိုင်း ဖြစ်အောင် လုပ်ခိုင်းခြင်းဟာ ကျွန်မအတွက် သိပ်ကို ပင်ပန်းစေပါတယ်။ ကျွန်မဟာ သူတို့မှ မဟုတ်တာ။ ကျွန်မရဲ့ သူတို့နဲ့မတူညီတဲ့ ဘဝနဲ့ သူတို့နဲ့ကို နှိုင်းယှဉ်ခြင်းဟာ ခဏတာ မခံချင်စိတ်ဖြစ်ခဲ့ပေမယ့် တစ်ဘဝတာအတွက် စိတ်ဒဏ်ရာတွေ ချန်ထားခဲ့ပါတယ်။
ကျွန်မ အင်္ဂလိပ်စာကို အရမ်းစိတ်ဝင်စားမိပြီး ကြိုးစားဖြစ်လို့ အတော်အတန်ပြောနိုင်တဲ့အခါ ကျွန်မရဲ့ သူငယ်ချင်းတွေကို ကျွန်မတို့ရဲ့ ဆရာတွေက ကျွန်မနဲ့ နှိုင်းယှဉ်ပြန်ပါတယ်။ ဒီတစ်ခါတော့ ကျွန်မကို အသုံးချပြီး အခြား သူငယ်ချင်းတွေ ပိုကြိုးစားစေချင်လို့ပါ။ ဒါပေမယ့် ကျွန်မက ဒိုင်ခံ အမုန်းခံရပါတယ်။ နှိုင်းယှဉ်ခံရတဲ့ ကျွန်မက ဂုဏ်ယူရတာထက် ရှက်စိတ်နဲ့ ကြောက်စိတ်ပိုရှိခဲ့ရပါတယ်။ ကိုယ်တိုင် စိတ်ဝင်စားလို့ ကြိုးစားမိတာဟာ လုပ်သင့်ရဲ့လားလို့တောင် တွေးမိတဲ့အထိပါပဲ။ အဲဒီ့လို နှိုင်းယှဉ်ခံရတာ အသုံးချခံပဲဖြစ်ဖြစ်၊ အပြောခံပဲဖြစ်ဖြစ် စိတ်ဒဏ်ရာ ရစေပါတယ်။
ကျွန်မတို့ ကမ္ဘာပေါ်မှာ နိုင်ငံတစ်နိုင်ငံနဲ့ တစ်နိုင်ငံ နေရာပေါ်မူတည်ပြီး အချိန်နာရီတွေ ကွာဟပါတယ်။ မြန်မာနိုင်ငံကနေ့လည် ၁ နာရီခွဲ ဆိုရင် စင်္ကာပူမှာ နေ့လည် ၃ နာရီပါ။အချိန်နောက်ကျလို့ မြန်မာနိုင်ငံက စင်္ကာပူထက် နောက်ကျတယ်လို့ ပြောလို့မရနိုင်ပါဘူး။ ကျွန်မတို့ မြန်မာနိုင်ငံလည်း ၃ နာရီဆိုတဲ့ အချိန်ကိုရောက်လာမှာပါ။ နိုင်ငံတွေဟာ သူ့အချိန်နဲ့ သူ လည်ပတ်နေသလို ကျွန်မတို့ လူတွေဟာလည်း ကျွန်မတို့ရဲ့ အချိန်စက်ဝန်းနဲ့ ကျွန်မတို့ ရှင်သန်နေထိုင်တာပါ။
ကျွန်မက အချို့လူတွေထက် ရှေ့ရောက်သလို ဖြစ်နေနိုင်သလို၊ အချို့သူတွေအတွက် နောက်ရောက်နေသလိုလည်း ဖြစ်နိုင်တာပါပဲ။ ဒါပေမယ့် ကျွန်မဘဝကို ကျွန်မရဲ့ ကိုယ်ပိုင် အချိန် စက်ဝန်းနဲ့ ဖြတ်သန်းရတာမို့ သူများလုပ်တဲ့ကြာချိန်ထက် ပိုကြာနိုင်သလို ပိုလည်း မြန်နိုင်တယ်။
ညှိလို့မရတဲ့ ကွဲပြားမှုတွေကို အပြန်အလှန် လေးစားတတ်အောင်၊ သင်ယူတတ်အောင် မသင်ပေးဘဲ အပြန်အလှန် စိတ်ဒဏ်ရာရအောင် ဇွတ်ညှိချင်တာတွေ၊ ဇွတ်နှိုင်းယှဉ်တာတွေလုပ်တာတွေက ကောင်းတဲ့ရလဒ်ထက် ဆိုးတဲ့ ရလဒ်ကို ပိုရစေပါတယ်။
ကလေးတွေဟာ မတူညီကြပါဘူး။ ကျွန်မတို့ဟာ မတူညီကြပါဘူး။ ဒါကြောင့် ကိုယ့်ရဲ့ မတူညီမှုတွေနဲ့အတူ အကောင်းဆုံး ဖြစ်တည်နိုင်အောင်၊ သင်ယူနိုင်အောင် ပံ့ပိုးပေးရမှာ မိဘတွေ၊ ဆရာ၊မတွေ တာဝန်ပါ။ အားလုံး မတူညီမှုတွေကို အပြုသဘောနဲ့ လေးစားတတ်အောင် သင်ပေးပြီး အပြန်အလှန်သင်ယူခွင့်ရရှိအောင် ဖန်တီးပေးနိုင်ကြပါစေ။
မေတ္တာဖြင့်….
Sayarma-ဆရာမ
Photo Credit to http://www.lifeworksdm.com/wp-content/uploads/2014/11/diversity_kids1.jpg
[ Zawgyi ]
ကၽြန္မတို႔ဘဝမွာ တစ္ေန႔နဲ႔ တစ္ေန႔ ေတြ႕ၾကဳံရွင္သန္ရပုံေတြက မတူညီပါဘူး။ အဲဒီ့လိုပဲ တစ္ေယာက္နဲ႔တစ္ေယာက္ မိဘ၊ အလုပ္ကိုင္၊ ႀကီးျပင္းပုံနဲ႔ ေနထိုင္ရွင္သန္ရပုံေတြလည္း ကြဲျပားျပန္ပါတယ္။ မိသားစု တစ္ခုတည္းဆိုရင္ေတာင္ တစ္ေယာက္နဲ႔တစ္ေယာက္ မတူညီတာေတြ အမ်ားႀကီးရွိပါတယ္။ ဒါေပမယ့္ အျမဲတမ္းလိုလိုပဲ မတူညီသူေတြကို ညႇိၿပီး ႏွိုင္းယွဥ္ေျပာၾကျပန္တာလည္း ကၽြန္မတို႔ေတြ ပါပဲ။
ကၽြန္မငယ္ငယ္က ဆုံးမခံခဲ့ရတာေတြထဲမွာ သူမ်ားေတြနဲ႔ ႏွိုင္းယွဥ္ၿပီး ဟိုဟာလုပ္သင့္တယ္၊ ဒီဟာ လုပ္သင့္တယ္လို႔ေျပာတာကို အခံစားရဆုံးပါပဲ။ လူႀကီးမိဘေတြကေတာ့ တစ္ခုခုနဲ႔ တစ္ေယာက္ေယာက္နဲ႔ ႏွိုင္းယွဥ္လိုက္တဲ့အခါ မခံခ်င္စိတ္ျဖစ္ၿပီး ႀကိဳးစားလာမယ္လို႔ ယုံၾကည္ၾကတယ္။ ကေလးေတြကို စိတ္ဒဏ္ရာ အေပးဆုံး ယုံၾကည္မႈတစ္ခုပါ။
ကၽြန္မမဟုတ္ေသာ ကၽြန္မသူငယ္ခ်င္းေတြအတိုင္း ျဖစ္ေအာင္ လုပ္ခိုင္းျခင္းဟာ ကၽြန္မအတြက္ သိပ္ကို ပင္ပန္းေစပါတယ္။ ကၽြန္မဟာ သူတို႔မွ မဟုတ္တာ။ ကၽြန္မရဲ့ သူတို႔နဲ႔မတူညီတဲ့ ဘဝနဲ႔ သူတို႔နဲ႔ကို ႏွိုင္းယွဥ္ျခင္းဟာ ခဏတာ မခံခ်င္စိတ္ျဖစ္ခဲ့ေပမယ့္ တစ္ဘဝတာအတြက္ စိတ္ဒဏ္ရာေတြ ခ်န္ထားခဲ့ပါတယ္။
ကၽြန္မ အဂၤလိပ္စာကို အရမ္းစိတ္ဝင္စားမိၿပီး ႀကိဳးစားျဖစ္လို႔ အေတာ္အတန္ေျပာနိုင္တဲ့အခါ ကၽြန္မရဲ့ သူငယ္ခ်င္းေတြကို ကၽြန္မတို႔ရဲ့ ဆရာေတြက ကၽြန္မနဲ႔ ႏွိုင္းယွဥ္ျပန္ပါတယ္။ ဒီတစ္ခါေတာ့ ကၽြန္မကို အသုံးခ်ၿပီး အျခား သူငယ္ခ်င္းေတြ ပိုႀကိဳးစားေစခ်င္လို႔ပါ။ ဒါေပမယ့္ ကၽြန္မက ဒိုင္ခံ အမုန္းခံရပါတယ္။ ႏွိုင္းယွဥ္ခံရတဲ့ ကၽြန္မက ဂုဏ္ယူရတာထက္ ရွက္စိတ္နဲ႔ ေၾကာက္စိတ္ပိုရွိခဲ့ရပါတယ္။ ကိုယ္တိုင္ စိတ္ဝင္စားလို႔ ႀကိဳးစားမိတာဟာ လုပ္သင့္ရဲ့လားလို႔ေတာင္ ေတြးမိတဲ့အထိပါပဲ။ အဲဒီ့လို ႏွိုင္းယွဥ္ခံရတာ အသုံးခ်ခံပဲျဖစ္ျဖစ္၊ အေျပာခံပဲျဖစ္ျဖစ္ စိတ္ဒဏ္ရာ ရေစပါတယ္။
ကၽြန္မတို႔ ကမၻာေပၚမွာ နိုင္ငံတစ္နိုင္ငံနဲ႔ တစ္နိုင္ငံ ေနရာေပၚမူတည္ၿပီး အခ်ိန္နာရီေတြ ကြာဟပါတယ္။ ျမန္မာနိုင္ငံကေန႔လည္ ၁ နာရီခြဲ ဆိုရင္ စကၤာပူမွာ ေန႔လည္ ၃ နာရီပါ။အခ်ိန္ေနာက္က်လို႔ ျမန္မာနိုင္ငံက စကၤာပူထက္ ေနာက္က်တယ္လို႔ ေျပာလို႔မရနိုင္ပါဘူး။ ကၽြန္မတို႔ ျမန္မာနိုင္ငံလည္း ၃ နာရီဆိုတဲ့ အခ်ိန္ကိုေရာက္လာမွာပါ။ နိုင္ငံေတြဟာ သူ႔အခ်ိန္နဲ႔ သူ လည္ပတ္ေနသလို ကၽြန္မတို႔ လူေတြဟာလည္း ကၽြန္မတို႔ရဲ့ အခ်ိန္စက္ဝန္းနဲ႔ ကၽြန္မတို႔ ရွင္သန္ေနထိုင္တာပါ။
ကၽြန္မက အခ်ိဳ႕လူေတြထက္ ေရွ႕ေရာက္သလို ျဖစ္ေနနိုင္သလို၊ အခ်ိဳ႕သူေတြအတြက္ ေနာက္ေရာက္ေနသလိုလည္း ျဖစ္နိုင္တာပါပဲ။ ဒါေပမယ့္ ကၽြန္မဘဝကို ကၽြန္မရဲ့ ကိုယ္ပိုင္ အခ်ိန္ စက္ဝန္းနဲ႔ ျဖတ္သန္းရတာမို႔ သူမ်ားလုပ္တဲ့ၾကာခ်ိန္ထက္ ပိုၾကာနိုင္သလို ပိုလည္း ျမန္နိုင္တယ္။
ညႇိလို႔မရတဲ့ ကြဲျပားမႈေတြကို အျပန္အလွန္ ေလးစားတတ္ေအာင္၊ သင္ယူတတ္ေအာင္ မသင္ေပးဘဲ အျပန္အလွန္ စိတ္ဒဏ္ရာရေအာင္ ဇြတ္ညႇိခ်င္တာေတြ၊ ဇြတ္ႏွိုင္းယွဥ္တာေတြလုပ္တာေတြက ေကာင္းတဲ့ရလဒ္ထက္ ဆိုးတဲ့ ရလဒ္ကို ပိုရေစပါတယ္။
ကေလးေတြဟာ မတူညီၾကပါဘူး။ ကၽြန္မတို႔ဟာ မတူညီၾကပါဘူး။ ဒါေၾကာင့္ ကိုယ့္ရဲ့ မတူညီမႈေတြနဲ႔အတူ အေကာင္းဆုံး ျဖစ္တည္နိုင္ေအာင္၊ သင္ယူနိုင္ေအာင္ ပံ့ပိုးေပးရမွာ မိဘေတြ၊ ဆရာ၊မေတြ တာဝန္ပါ။ အားလုံး မတူညီမႈေတြကို အျပဳသေဘာနဲ႔ ေလးစားတတ္ေအာင္ သင္ေပးၿပီး အျပန္အလွန္သင္ယူခြင့္ရရွိေအာင္ ဖန္တီးေပးနိုင္ၾကပါေစ။
ေမတၱာျဖင့္….
Sayarma-ဆရာမ
Photo Credit to http://www.lifeworksdm.com/wp-content/uploads/2014/11/diversity_kids1.jpg